وحــده بوحــده

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر

بالله شوفـي صاحـبـك كـيـف حـالـه
شوفيه فـي غيبتـك وشلـون صايـر ؟!

صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!

يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر

الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر

يـوم الطفـولـه والشـقـا والجهـالـه
يـوم الصغايـر فـي عيـونـه كبـايـر

ايــام كــان معـانـده راس مـالــه
ويسـوق لهـبـال الشـقـاوه بشـايـر

يامـا امتلـى بالحـب والطيـش بـالـه
ويامـا امتلـت مـن شخبطتـه العوايـر

يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )

يامـا اشتكـاه ابـوك فـي بيـت خالـه
ويامـا تحصّـل مـن هـواك العـزايـر

مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر

ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر

لاشـافـك يتمـتـم لحـالـه بـحـالـه
لعيـون هالشوفـه تـهـون الخسـايـر

ولاشـاف زول ابـوك حــذّف نعـالـه
الحـب جايـر .. لكـن الـعـود جـايـر

طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر

كنتـي طموحـه .. كنتـي أغلـى حلالـه
كنتـي وصرتـي بـس يـاام الظفـايـر

طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر

لاتتركيـنـه فــي غيـابـك لـحـالـه
بالله شوفـي كيـف هالطـفـل صـايـر

ووحـده بوحـده كـان عنـدك عـدالـه
اتبّطلـي غيـبـه .. و ابـطّـل زقـايـر

قصيده روعه
وطرح احلى
يعطيك الف
عااافيه لاهنت
وصح لسان من قال

شبيه البدر كتب:: قصيده روعه

وطرح احلى

يعطيك الف

عااافيه لاهنت

وصح لسان من قال

الله يعافيك
وصح بدنك
وشكرا لمرورك
تحياتي لك

دوووم مبدع خيو الحنون

يعطيك العافيه يالغلا

وتقبل مروري

همس الغلا كتب:: دوووم مبدع خيو الحنون

يعطيك العافيه يالغلا

وتقبل مروري

الله يعافيك
واسعدني مرورك

يسلمووووووووووووووووووخيو على هيك قصيده ابدعت

كلمات راائعه كروعتك
ابدعت في اختيارك
يعطيك الف عافيه وتسلم يمناك
لك كل الود